Жил бүрийн гуравдугаар сарын дөрөв дэх долоо хоногийн пүрэв гаригт орон даяар гамшгийн зарлан мэдээллийн дуут дохиог ажиллуулж, бэлтгэл сургуулилт хийдэг билээ. Энэ жил гуравдугаар сарын 26-ны өдрийн 16:00 цагт дуут дохиог дуугаргаж, иргэд, ЕБС-ийн багш, сурагчид болон тус сумын Ерөнхий зориулалтын мэргэжлийн ангийн (ЕЗМА) албан хаагчид цугларч, сургууль, дадлагад оролцлоо. ЕЗМА-д 66 албан хаагч томилогдон ажилладаг бөгөөд тус сургуулилтын үеэр албан хаагчдын бэлэн байдлыг шалгаж, аранзанд нь үелэг хийж, аранзны бүрдэл бүрэн 5 албан хаагчийг шалгаруулж шагнаж урамшууллаа. Мөн ЕБС-ийн сурагчдаас газар хөдлөлтийн үед осол гэмтлээс хэрхэн сэргийлэх болон аранзанд зайлшгүй байх зүйлсийн талаар асуулт тавьж, шалгарсан сурагчийг шагнаж урамшуулсан.